Рано утринава, силен земјотрес ја погоди централна Јапонија, создавќи вознемиреност и значителна материјална штета. Според првичните информации, 22 лица побарале помош од медицински службеници по инцидентот.
Земјотресот е регистриран во 1:04 часот по локално време, со епицентар во западниот дел на префектурата Шизуока, на длабочина од 41 километар. Јапонската метеоролошка агенција ја утврди неговата магнитуда на 5,7 степени.
Најсилните потреси биле почувствувани во префектурата Аичи, а тресењето било забележано и во други региони, вклучувајќи Шизуока, Гифу, Нагано, Јаманаши, Кјото и Нара. Поради силата на земјотресот, стаклени излози на продавници се искршени, а во една книжарница книгите биле расфрлани.
Некои од повредените се здобиле со повреди при обидот да избегаат од зградите за да преминат на безбедно.
По земјотресот, органите на власта соопштија дека нема опасност од цунами, но предупредија на внимателност во наредната недела поради можни нови потреси. Особена внимателност се советува во следните два до три дена, како и за ризик од свлечишта и пад на камења, посебно во услови на дожд.
Инцидентот предизвикал и прекини во железничкиот сообраќај, со намалена брзина на брзите возови „Шинкансен“ во погодените области и привремени прекини на дел од железничките линии поради безбедносни проверки.
