Брзиот ручек со тиквички и месо ќе ви одземе многу малку време за подготовка, а можете да јадете два дена. Добро е и топло и ладно, копарот му дава извонреден вкус.
Состојки:
масло
кромид
500гр мелено месо по избор
зачини: сол, бибер, лута и слатка пиперка
50 гр излупени домати
3 тиквички
3 јајца
100 гр фета сирење
300 мл јогурт
лук
пипер или копар
1 свеж домат
Подготовка:
Во тавата истурете 3 лажици масло и пржете 2 исечкани главици кромид околу 5 минути. Потоа додадете го месото и зачините и сè убаво измешајте. Оставете малку да се крчка, па додадете ја доматната паста. Сè заедно пропржете уште 5 минути и смесата е готова.
Потоа изрендајте 3 средни тиквички, па соединете ги со месото во огноотпорен сад.
Во посебен сад се матат јајцата, се додава издробениот лук, фета сирењето, јогуртот, копарот и се убаво се меша, за да се соединат состојките добро. Прелијте го преливот врз месото и тиквичките. Одозгора наредете ги прстените од доматите и ставете ги во рерна
Печете околу 40 минути на 180 степени.
Уживајте во прекрасниот вкус!
GIPHY App Key not set. Please check settings