Дали имате висок холестерол? Четири чаеви кои ќе ви помогнат да го решите овој проблем

Антиоксидансите кои се наоѓаат во одредени чаеви може да помогнат во намалувањето на холестеролот.

Мета-анализа објавена во американскиот весник за клиничка исхрана сугерира дека зелениот чај може да помогне во намалувањето на лошиот холестерол.

Станува збор за студија во која биле анализирани 14 случајно избрани експерименти, а заклучокот на научниците е дека по консумирањето на зелен чај и неговиот екстракт, нивото на триглицериди во серумот и концентрацијата на лошиот холестерол (ЛДЛ) се намалиле. Дополнително, не е забележан ефект врз добриот холестерол (HDL).

Роибос чај

Една студија чии наоди беа објавени во Журналот за етнофармакологија во 2011 година покажа дека чајот од ројбос, кој се добива од ројбос, африканско грмушесто растение од семејството на мешунките, исто така може да биде корисен.

Учесниците во студијата кои пиеле шест чаши ферментиран ројбос дневно во текот на шест недели, го намалиле лошиот холестерол за 0,7 mmol/L и го зголемиле нивниот добар холестерол за 0,3 mmol/L, велат авторите на студијата.

Чај од ѓумбир

Постои и чај од ѓумбир, кој често се препорачува за голем број здравствени проблеми.

Најчесто се користи за зајакнување на имунитетот и стомачните проблеми, а истражувањата на експерти од Универзитетот за медицински науки во Бабол, чии наоди беа објавени во медицинското списание Saudi Medical Journal, покажаа дека ѓумбирот во прав значително го намалува холестеролот во споредба со плацебо што се користи во друг група.

Чај од глуварче

Студија на животни од корејски експерти сугерира дека чајот од глуварче исто така може да биде корисен, кој беше објавен во 2010 година во Меѓународниот весник на молекуларни науки. Група од 28 машки зајаци била поделена во четири подгрупи, а онаа која користела глуварче покажала интересни резултати.

– Нашите резултати покажуваат дека третманот со корен и лист од глуварче позитивно ја промени активноста на антиоксидантните ензими во плазмата и липидниот профил кај зајаците со холестерол – се наведува во оваа студија.