Снимка од такси во Скопје стана хит на социјалните мрежи. Според податоците од видеото, група девојчиња, по враќањето од базен, го замолиле таксистот да ја исклучи климата, бидејќи им била мокра косата и се плашеле од студениот воздух.
Меѓутоа, таксистот не само што не го прифатил нивното барање, туку и започнал со противење, тврдејќи дека и нему му било топло и дека и тој може да се разболе доколку ја исклучи климата.
Расправијата продолжила за време на возењето, што на крајот довело до одлука на девојчињата да го напуштат возилото. Овој инцидент предизвика бројни реакции и критики за непристојното однесување на таксистот, кој наместо да се обиде да најде задоволително решение, разговарал со патниците на некултурен начин.
