Две малолетнички од Скопје биле приведени откако нападнале друго девојче на подрачјето на Центар, а целиот инцидент го снимале со мобилен телефон, соопшти Министерството за внатрешни работи.
Според МВР, на 19 ноември, околу 19:50 часот, полициски службеници од СВР Скопје ги лишиле од слобода двете девојчиња, по претходно поднесена пријава за случајот.
Како што е пријавено, инцидентот се случил околу 18:10 часот, кога тие пресретнале друга малолетничка во Центар. Едната физички ја нападнала, додека другата ѝ одзела лични предмети и пари, а истовремено ја снимала со телефон.
Од МВР додаваат дека по целосното расчистување и документирање на случајот ќе биде поднесена соодветна пријава.


