Едноставен начин да ја одржувате водата во вашето шише ладна што подолго

Водата е единствениот пијалок кој целосно ќе не освежи, регенерира и разлади на најдобар можен начин.

Кога ќе излеземе на безмилосно жешкото сонце, шише ладна вода е спас кој секогаш можеме да го имаме при рака и на тој начин да избегнеме дехидрација, слабост и други непријатни симптоми.

Секако, на плус 35 степени и погоре, водата во шишето многу брзо се загрева и за половина час имаме топла вода која не е ниту освежителна, ниту пријатна за пиење.

Иако консумирањето многу ладна вода е грешка со пиењето вода што го отежнува поднесувањето на топлината, добро ни доаѓа секој трик кој помага температурата на водата во нашето шише да остане ладна, а подоцна и пријатно млака, пренесува Запоздена .хр.

@kate_cleanhome Best summer hack 🧊😍🤩#LifeHack ##hotweather #ice #summerhack #summervibes #aesthetic #asmr #lifehacks #LearnOnTikTok #satisfying ♬ Pedro – Jaxomy & Agatino Romero & Raffaella Carrà

Еден корисник на TikTok сподели толку едноставен, одличен и ефикасен начин да се задржи водата во шише ладна многу подолго од вообичаеното.

Половина од шишето треба да наполните со вода и да го ставите во замрзнувач, но хоризонтално. На тој начин водата ќе замрзне на едната половина од шишето, а потоа можете да додадете ладна вода.

Во шишето ќе имате големо парче мраз кое нема брзо да се стопи, па ќе можете да уживате во пријатно освежување.