Холивудската ѕвезда Хали Бери вчера го прослави својот роденден, на кој наврши 60 години. Наместо традиционална прослава, таа избра да се повлече во тропски рај, заедно со својот свршеник, музичарот Ван Хант.
Бери на социјалните мрежи сподели низ фотографии од одморот на Фиџи, на кои позира во провидни комбинации, уживајќи во сончевите зраци, јадејќи јагоди со чоколадо и делеејќи нежни моменти со својот партнер.
Најмногу внимание привлече фотографијата на која таа е облечена во проѕирна, свилена наметка со црни чипкасти детали, комбинирана со впечатлив накит и свршенички прстен.
Сепак, Бери не сака да биде само пофалена за својот изглед на овој важен ден. Со своите објави, таа истакна како се чувствува самоуверено и благодарно за животот што го живее.
Актерката не се уплашува од стареењето и минатото, напротив, таа се фокусира на своето здравје, физичка активност и долгорочна благосостојба.
Хали, родена на 14 август 1966 година, својот јубилеј го прославува во друштво на најблиските, уживајќи во многу сонце, љубов и самодоверба, далеку од холивудската гужва.
Реакциите на социјалните мрежи не изостанаа, со фанови кои не можат да веруваат дека актерката има 60 години, по што повторно се отвори дебатата за тајната на нејзиниот младешки изглед.
