Изгледот на домот зависи од завесите и подовите, еве како можете да го направите пораскошен

Поминуваме многу време во нашите домови, па затоа е важно како се чувствуваме во него. Во остатокот од текстот ви откривме неколку трикови кои ќе направат вашиот дом да изгледа луксузно.

Завеси

За полуксузен изглед на домот, треба да создадете изглед на светли и големи простории. Начинот на кој ги обесувате вашите завеси може да има огромно влијание врз тоа како ја сфаќате големината на просторот. За да го направите вашиот простор да изгледа поголем, закачете ги завесите поблиску до таванот, а не до рамката на прозорецот.

Подови

Друг елемент од собата што може да направи просторот да изгледа поголем или помал се подовите или теписите. Различните модели на вашиот под ќе ја променат перцепцијата на просторот. На пример, шемите на мрежа или големите квадрати ќе направат вашиот простор да изгледа поширок, додека помалите ќе направат просторот да се чувствува поограничен. Ако имате тесни ходници, користете тепих или под со хоризонтални линии за да го проширите просторот или ако имате краток ходник користете вертикални линии за да го направите просторот подолг. Ако тепихот е во центарот на собата, тој секогаш треба да биде доволно голем за целиот мебел за седење да може да има „предни ногарки“ на работ на тепихот.

Рамки

Изборот на вистинска големина на уметничко дело или рамка за фотографии е клучот за постигнување добро чувство за размер. Доколку таков дел се наоѓа над креветот, ширината на делот треба да биде од 60 до 70 проценти од ширината на креветот, како и 60 до 70% од висината на ѕидот над креветот. Истиот пристап треба да се применува насекаде во вашиот дом.

Централната точка

Секоја соба треба да има нешто што ќе ви го привлече вниманието, без разлика дали тоа е уметничко дело, светла боја или друга текстура. На пример, тоа може да биде ѕид со светли бои или интересно парче мебел. Запомнете да не ја натрупувате просторијата со повеќе од една или две фокусни точки бидејќи тоа може да направи просторот да изгледа преполн. Исто така, клучно е да сте сигурни дека се во собата е онаму каде што треба.