Кајли Џенер повторно привлече внимание со провокативна модна кампања, во која позира целосно гола, фокусирајќи се на новата линија обувки од нејзиниот бренд.
29-годишната реалити-ѕвезда ја презентира колекцијата преку смели фотографии, каде што единствено носи обувки и долгата коса, со која делумно го покрива телото.
Оваа кампања е резултат на соработката на Khy и италијанскиот бренд Gia Borghini, со кој Кајли е поврзана долг период.
„Ги носам обувките на Gia Borghini со години, па ова беше природен избор“, сподели Кајли на својот Инстаграм профил.
Таа истакна дека имала можност сама да ги дизајнира обувките, опишувајќи ги како „чевлите од нејзините соништа“. Секој детал бил внимателно усовршуван за да го добие посакуваниот изглед – елегантен, едноставен и ненаметлив.
Обувките се рачно изработени во Италија, а новата колекција ќе биде достапна на 21 август. Со оваа кампања, Кајли демонстрираше како може моден производ да стане актуелна тема. И покрај провокативниот изглед, главната цел на кампањата е промоција на новите обувки.
