Калтрина Круезиу гостуваше во најновото издание на емисијата „Фејм Код“ со водителот Стефан Крстевски, кое премиерно се прикажа вчера на официјалниот Јутјуб-канал на Хајп Македонија.
Во искрен и интересен разговор, Калтрина покрена различни теми од својот живот, од детството и личните искуства, до модата, шминката и размислувањата за убавината. Разговорот ги опфати и прашањата за улогата на жената во современото општество, негата на изгледот и сè поприсутниот тренд на естетски корекции. Калтрина сподели свои ставови на теми што интересираат многу луѓе, истакнувајќи дека модата и шминката се само дел од пошироката дискусија за личните избори и самодовербата, како и начинот на кој жените ја перцепираат убавината.
Емисијата „Фејм Код“ повторно донесе динамичен разговор со стилски теми, отворајќи нови перспективи за животот и актуелните трендови.
Новата епизода со Калтрина Круезиу е достапна на Јутјуб-каналот на Хајп Македонија, каде што гледачите можат да го проследат целото интервју со Стефан Крстевски.
