Замислете да се најдете во вашата омилена интернет-продавница, да ги наполните виртуелните кошнички со саканите производи и на крајот да ја чувствувате радоста од успешното пазарување, но без да потрошите ни еден денар.
Токму врз оваа идеја е создадена необична јужнокорејска веб-страница која им овозможува на корисниците да симулираат онлајн купување.
Процесот е сличен на вистинско нарачување. Корисниците разгледуваат производи, ги избираат оние кои им се допаѓаат, ги ставаат во виртуелната кошничка и поминуваат низ целиот процес на „купување“.
Сепак, на крајот нема вистинска нарачка, достава или, што е најважно, плаќање. Парите остануваат во паричникот, а корисникот чувствува задоволство од симулираното пазарување.
Оваа идеја е особено привлечна за оние кои уживаат во разгледувањето на производите и во самата акција на купување, но сакаат да избегнат непотребни трошоци.
Наместо полна торба и празен паричник, единственото што останува е задоволството од изборот на производи.
Ваквиот концепт може да биде интересна алтернатива за оние кои се соочуваат со импулсивно купување. Наместо веднаш да го притиснат копчето за плаќање, тие можат виртуелно да наполнат кошничката и да уживаат во целокупниот процес без реална потрошувачка на средства.
На тој начин, „пазарувањето“ останува како виртуелно искуство, а парите безбедно остануваат во паричникот.
