Филмскиот автор и режисер Реј Тинтори, партнер на актерката и комичарка Хајди Гарднер, позната по настапите во американското шоу „Saturday Night Live“, почина на 43-годишна возраст. Неговата смрт е потврдена од Канцеларијата на главниот судско-медицински истражител во Њујорк, а околностите и натаму се испитуваат. Засега не се познати ниту причината ниту начинот на смртта.
Тинтори беше препознатлив како режисер на кратки филмови и музички спотови. Работеше со познати бендови и изведувачи, меѓу кои MGMT, The Killers и Arcade Fire. Меѓу неговите најзабележливи проекти се спотовите за „Electric Feel“ и „Kids“ на MGMT, како и „Spaceman“ на The Killers. Во 2024 година го режираше и видеото за „Dancing in Babylon“ на MGMT, во кое се појавува Кристин и д Квинс.
Тој беше и еден од основачите на филмско-уметничката организација Court 13, која е поврзана со создавањето на филмот „Beasts of the Southern Wild“, номиниран за „Оскар“.
Јавноста дозна за неговата врска со Хајди Гарднер во јули 2025 година, кога тој објави заеднички фотографии по повод нејзиниот роденден. Во емотивната порака ѝ упати низа пофалби и јасно стави до знаење колку многу ја сака.
Според медиумските написи, Гарднер во овој тежок период тагува и е опкружена со семејството и блиските. Таа засега не се огласила јавно за загубата.


