Криста Пајк, 50-годишна затвореничка од Тенеси, е во критична состојба во болница откако двапати не успеа да биде егзекутирана со смртоносна инјекција.
Таа требаше да биде погубена поради убиството на 19-годишната Колин Слемер во 1995 година, но процесот не беше извршен успешно, иако добила две дози пентобарбитал.
Нејзиниот адвокат, Ренди Спиви, потврди дека Пајк сè уште е жива и добива неопходна медицинска помош, но не се знае кои се нејзините шанси за опоравување.
Според адвокатите, затворските службеници имале проблеми при поставувањето на интравенската линија, а Спиви забележал дека во левата рака на Пајк имало најмалку седум игли, од кои една била свиткана.
Сведоците тврдат дека Пајк останала будна и активна по двете дози, дишела и правела звуци, пред микрофонот да биде исклучен. Потоа била пренесена во болница со брза помош.
Адвокатите сега се обидуваат да ја заменат нејзината смртна казна со доживотен затвор, укажајќи на претходно предупредување за потенцијалните проблеми со вените.
По неуспешната егзекуција, гувернерот на Тенеси, Бил Ли, нареди независна истрага и го суспендираше извршувањето на смртните казни до крајот на 2026 година.
Пајк требаше да биде првата жена погубена во Тенеси по повеќе од два века, а нејзиниот случај повторно го отвори прашањето за примената на смртните казни со смртоносна инјекција во САД.
