Синоќа околу 22 часот, полицијата во близина на селото Богородица приредила акција во која бил уапсен 59-годишен маж од Латвија поради сомнеж за превезување мигранти.
Според информациите од Министерството за внатрешни работи, за време на контролата на патничкото возило „Фиат Типо“ со скопски регистарски таблички управувано од латвискиот возач, биле пронајдени 10 мигранти, сите од Египет.
Мигрантите се пренесени во Прифатно-транзитниот центар „Винојуг“ во Гевгелија, а возачот е приведен во Полициската станица Гевгелија. Од МВР најавуваат дека ќе се преземат соодветни мерки и ќе биде поднесена пријава по целосното завршување на истрагата.
