Панакота – десерт во кој ќе уживате

Покрај тоа што е лесна и вкусна, панакота е омилен десерт ширум светот поради леснотијата на подготовка.

Панакота е традиционален италијански десерт налик на пудинг. Иако најчесто се служи во ресторани и слаткарници, всушност многу лесно се подготвува дома. Овој десерт е создаден на северот на Италија, во Пиемонт, а во буквален превод од италијански значи „варен крем“.

Создаден е како комбинација од крем и шеќер, ароматизиран со семки од ванила, а се карактеризира со облик на чаша или мал, кружен калап во кој се формира додека се лади.

Покрај тоа што е лесна и вкусна, панакота е омилен десерт ширум светот поради леснотијата на подготовка. Благиот, млечен вкус и бројните можности за подготовка, како фил од карамела, растопено чоколадо или комбинација со овошје, го прават идеален десерт со лажица за секое време од годината.

Како настанал овој десерт?
Иако потеклото на овој десерт не е со сигурност утврдено, во книгите со рецепти пишува дека потекнува од Пиемонт, а првиот датум на неговото спомнување е во 1920 година, кога го подготвила една Унгарка во Пиемонт.

Првиот доказ за панакота каква што ја знаеме денес всушност датираат од 1960-тите, кога Еторе Сонџа, главен готвач во ресторанот „I tre citroni“, прв го ставил рецептот на менито.

Иако овој десерт се подготвувал во Италија под името панакота, во други земји се подготвувал по сличен рецепт и форма, уште од средниот век. Во Данска е познат како moos hwit, во Унгарија како kremes, а во Франција како blanc manger.

Која е разликата помеѓу пудинг и панакота?
Панакота е десерт направен од млеко, павлака, шеќер и желатин. Во оригиналниот рецепт не се споменува желатин, но со текот на времето оваа верзија стана популарна и широко прифатена.

Пудингот е деликатес од млеко, жолчки, шеќер и скроб, а за згуснување се користат жолчки и скроб, а не желатин како во панакота. Текстурата на пудингот е многу погуста и неговата површина е многу мазна, додека панакотата е мека, воздушна и се топи во устата и го нема карактеристичниот сјај каков што има пудингот.

Состојки за панакота:

• 500 мл слатка павлака,
• 1 стапче ванила,

– 8 листови желатин

– 80 гр шеќер

Подготовка:
Започнете со подготовка со ставање на листовите од желатин во ладна вода 10 до 15 минути. Исечете го лопатката од ванила по должина и изгребете ги семките со нож. Во меѓувреме во тенџере со средна големина ставете ја слатката павлака, додајте ги шеќерот, семките и мешунката од ванила.

Загрејте на тивок оган додека не почне да врие, а потоа исклучете го огнот и оставете го тенџерето на страна. Кога желатинот ќе се раствори, исцедете го од водата и додадете го во течноста со кремот што сте ја загреале и мешајте додека желатинот целосно не се раствори.

Подгответе кружни калапи со капацитет од 150 мл, наполнете ги со панакота и оставете во фрижидер најмалку пет часа. Кога ке се оформат и ќе се стегнат, секој калап потопете го во врела вода неколку секунди и превртете го на чинија, пренесува Index.hr.

Можностите за послужување и украсување се многубројни: панакотата можете да ја сервирате сама или со прелив по ваш избор, како карамела, растопено чоколадо или овошен фил.