Печени канелони со рикота и спанаќ! Најдоброто од Италија!

Канелоните се цилиндричен вид лазања, а популарните филови вклучуваат спанаќ и рикота или мелено говедско месо… Уживајте!

Состојки: 

• 12 канелони
• 500 гр спанаќ
• 400 гр рикота
• 70 гр пармезан
• 1 чешне лук
• 500 мл бешамел сос
• 150 гр гауда
• сол, бибер, путер

Подготовка: 

Спанаќот продинстајте го кратко на путер со цело чешне лук. Тргнете го од оган, посолете и извадете го лукот. Исечкајте го спанаќот и измешајте го со рикота и пармезан. Наполнете ги канелоните со добиената смеса. Во огноотпорен сад ставете малку бешамел, одозгора ставете ги канелоните, прелијте го преостанатиот сос и посипете со рендана гауда. Се пече во рерна на 180 степени 25-30 минути. Послужете додека е топло.