Печено пилешко со сладок компир

Сладок компир со пилешко и два вида сирење печени во рерна.

Состојки:

– 500 гр бело пилешко месо

– 3 мали слатки компири

– малку маслиново масло

– сол, бибер

– лук во прав, сув магдонос

– 4 јајца

– 250 гр маскарпоне сирење

– 100 мл млеко

– 100 гр сирење

Подготовка:

Исечете го пилешкото на мали коцки.

Излупете го слаткиот компир, измијте го и исечете го на помали коцки.

Измешајте пилешко и сладок компир во сад. Додадете маслиново масло, сол, бибер, сув магдонос и лук во прав.

Сè убаво измешајте со раце и префрлете го во тавче подмачкано со масло.

Изматете четири јајца со малку сол, 250 грама маскарпоне сирење и 100 милилитри млеко. Прелијте ги пилешкото и слатките компири.

Ставете да се пече во загреана рерна на 180 степени.

Извадете ја тавата од рерна, а одозгора изрендајте го кашкавалот. Вратете ја во рерна да се пече додека не се формира убава кора.

Сè заедно се пече помеѓу 35 и 40 минути.

Пријатно!