in

Проф. д-р Никица Габриќ му додели престижно признание на офталмологот Рафаел Баракер во Загреб

На 16-тиот конгрес на Хрватското здружение за хирургија на катаракта и рефрактивна хирургија, одржан на 20 и 21 ноември во Загреб, проф. д-р Никица Габриќ му го врачи специјалното признание „A Lasting Legacy in Ophthalmology“ на проф. д-р Рафаел Игнасио Баракер.

Годинашниот конгрес, кој ги собра водечките имиња во офталмологијата, беше инспириран од визијата на Габриќ и Баракер за поврзување на офталмолошката струка со семејните вредности.

Признанието му беше доделено на проф. Баракер за неговиот долгогодишен придонес во оваа област, како и за исклучителното професионално наследство на семејството Баракер, кое повеќе од 140 години е посветено на офталмологијата. Членовите на ова семејство оставиле значаен печат во развојот на рефрактивната хирургија и во создавањето офталмолошки институции низ светот.

Конгресот се одржа под мотото „Нови трендови во офталмологијата“, а го организираа CSCRS и Клиниката „Свјетлост“ во хотелот „Хилтон Гарден Ин“. На настанот учествуваа 72 предавачи од 15 земји, кои ги споделија своите знаења, искуства и најнови достигнувања од областа.

Проф. Баракер одржа и предавање со наслов „Корени и крилја“, во кое зборуваше за пренесувањето на одговорноста од една генерација на друга и за создавањето клиника што ќе продолжи да се развива и по заминувањето на нејзиниот основач.

На истата тема се осврна и д-р Крешимир Габриќ, кој нагласи дека Баракер е пример за тоа како еден голем професионален проект може успешно да се пренесува низ генерации, без да се изгубат квалитетот, стручноста и меѓународниот углед.

Конгресот, основан во 2003 година од проф. д-р Никица Габриќ со цел Хрватска да стане една од водечките земји во рефрактивната хирургија, и оваа година ја продолжи традицијата на бесплатна едукација за лекарите и размена на искуства со врвни светски експерти.

Учесниците имаа можност да се запознаат со најновите достигнувања во ласерската корекција на видот, хирургијата на рожницата и мрежницата, како и со резултатите од работата на тимот на Клиниката „Свјетлост“.

What do you think?

Leave a Reply

Your email address will not be published. Required fields are marked *

КОВИД-19 сè уште е присутен: во Македонија се регистрирани три нови случаи