Триесет и четиригодишната Драгана Антешевиќ од Котор Варош, Босна и Херцеговина, трагично го загуби животот во големиот пожар што зафати подрачјето околу Омиш, Хрватска. Драгана престојуваше во Хрватска како сезонска работничка.
Нејзиното исчезнување било пријавено на 13 август во местото Станиќи, токму во момент кога пожарот се ширел. Според хрватските медиуми, Драгана се наоѓала во автомобил со уште две лица, обидувајќи се да се спасат од огнената стихија.
Во еден момент, таа го напуштила возилото и по тоа ѝ се изгубила трагата. На крајот, било потврдено дека Драгана не го преживеала пожарот.
Веста за нејзиниот трагичен крај предизвика голема тага, а семејството доби изрази на соучество. „За жал, се случи најлошото. Во синоќешниот пожар кај Омиш загина млад живот. Искрено сочувство до семејството на починатата Драгана Антешевиќ, која дојде во Хрватска од соседна Босна и Херцеговина. Почивај во мир“, се вели во пораката со која беше обелоденета трагичната вест.
Според најновите информации, едно од лицата со Драгана во автомобилот е тешко повредено.
