Вашингтон не го остава „на мира“ ТикТок, покрената е нова тужба

Министерството за правда на САД има нов фокус кога станува збор за тужбата против TikTok, а се работи за загриженоста за приватноста на децата.

Американската Федерална трговска комисија (FTC) ги истражуваше потенцијалните прекршувања на овие прописи од страна на TikTok и нејзината матична компанија ByteDance и го упати случајот до Министерството за правда.

„Истрагата откри причина да се верува дека именуваните обвинети го прекршуваат или ќе го прекршат законот и дека постапката е во јавен интерес“, се вели во тогашното соопштение на ФТЦ.

Ројтерс првпат објави во 2020 година дека FTC и одделот ги истражуваат наводите дека популарната апликација не успеала да го исполни договорот од 2019 година, чија цел е заштита на приватноста на децата.

TikTok рече дека силно не се согласува со наводите на FTC и е разочаран што агенцијата одлучила да поднесе тужба.