По успешните три распродадени концерти во Белград, легендарната Весна Змијанац продолжува со својата турнеја, а следната дестинација е Скопје.
На 28 ноември 2026 година, таа ќе одржи голем концерт во Арената „Јане Сандански“. Македонската публика ќе има шанса да ги слушне нејзините најголеми хитови и да ужива во вечер полна со емоции, носталгија и незаборавна атмосфера.
По подолг период без концерти во Македонија, интересот за овој настап е огромен. Организаторите ветуваат спектакуларна продукција со врвна сценографија и музичко искуство за сите генерации.
Со децениската кариера и бројните безвременски хитови, Весна Змијанац остава печат како една од најзначајните музички ѕвезди на Балканот. Многу генерации пораснаа со нејзините песни, а нејзините концерти во регионот покажуваат дека интересот за неа не стивнува.
Картите за концертот веќе се пуштени во продажба и интересот е исклучително голем, со брзо продадени билети.
Пригответе се за концертна вечер за паметење на 28 ноември 2026 година во Арената „Јане Сандански“, Скопје!
