Македонската инфлуенсерка Миа Костова се соочила со необично и шокантно искуство, кое сама го опишува како сценарио од филм.
Таа повеќе од една година комуницирала со профил што се претставувал како Маја Николова Атанасова, кој постепено ја освоил нејзината доверба со раскажување на тешка животна приказна. Лажниот профил тврдел дека ги изгубила двете деца поради болест и дека има трето девојче по име Миа.
Според сведочењето на Костова, жената не се задоволила само со измислената трагедија, туку се претставувала и како докторка која работи со деца со рак, испраќајќи видеа од музички настани, претставувајќи ги како свои.
Костова многу време ѝ давала поддршка, без да знае дека зад профилот може да стои некоја сосем друга личност.
Се открило дека фотографиите и видеата што ги користел лажниот профил припаѓаат на српска пејачка, што шокирало Костова кога го пронашла вистинскиот профил.
Дополнително, открила дека жената зад лажниот профил користела елементи од животната приказна на Ивана Лескароски, која исто така има загубените две деца и тешки искуства со бременостите.
Костова и Ивана подоцна откриле дека двете добивале пораки од истиот лажен профил, за што дополнително се зголемила нивната загриженост.
Костова побарала објаснување од лажниот профил, но по контактот следел блок. Подоцна почнала да добива пораки од други жени кои имале искуства со истиот профил, вклучувајќи и јавни личности.
Нејасно е што била вистинската цел на долгогодишната комуникација, но Костова наговестува дека можеби имало намера за собирање финансиски помош од ранливи лица.
Таа планира да го пријави случајот во Одделението за сајбер безбедност и повикува сите кои имале контакт со профилот да ги зачуваат доказите.
