Љубителите на филмската историја сега имаат шанса да стекнат делови од животот на легендарната француска актерка Брижит Бардо. Во Париз, се одржува аукција на која се изложени стотици нејзини лични предмети.
Оваа колекција вклучува околу 285 предмети, собрани од нејзините домови во Париз и Сен Тропе, а во неа се наоѓаат облека, мебел, фотографии, музички инструменти, накит и други лични работи кои му сведочат на нејзиниот живот и кариера.
Меѓу најдрагоцените лотови се два пара балетанки од француски бренд, кои Бардо помогна да станат популарни со својата идеја за удобен модел што може да се носи и надвор од балетската сала в средината на 1950-тите.
Исто така, аукцијата вклучува дијамантски прстен од 3,67 карати, чија почетна цена се проценува помеѓу 7.000 и 9.000 евра, заедно со други парчиња накит, вклучувајќи дијамантски брош и дополнителни прстени.
На аукцијата можат да се најдат и предмети од нејзината позната куќа ,,La Madrague” во Сен Тропе, како што се машина за пишување, гитари, парфеми, шешири, фотографии и многу други лични предмети.
Настанот се одржува во ,,Hotel Drouot” во Париз, а дел од средствата ќе бидат наменети за Фондацијата Брижит Бардо, која продолжува со своите активности за заштита на животните.
Бардо почина во декември 2025 година, на 91-годишна возраст, а во подоцнежните години од животот, целосно се посвети на заштитата на животните.
