Американската технолошка компанија Tesla ги почна подготовките за изградба на нов индустриски комплекс за производство на соларна технологија во Тексас, во близина на Хјустон.
Проектот се проценува на 10,1 милијарда долари, а комплексот ќе се простира на околу 3.050 хектари во округот Форт Бенд. Оваа инвестиција е дел од плановите на компанијата за проширување на производството во областа на обновливите извори на енергија.
Новиот погон ќе биде насочен кон производство на соларни панели, а процесот ќе опфати повеќе фази — од преработка на силициум и изработка на основните компоненти до добивање на крајните производи.
Проектот има и значаен економски потенцијал. Според проценките, фабриката би можела да отвори до 9.712 работни места, а за време на изградбата ќе бидат ангажирани и повеќе од илјада работници.
Инвестицијата ќе се реализира во неколку фази, а завршувањето на изградбата е планирано до 2028 година. Доколку сè оди според планот, производството би требало да почне во првите месеци од 2029 година.
Со овој чекор, Tesla прави важен исчекор во ширењето на своето присуство на пазарот на соларна енергија, а комплексот во Тексас би можел да стане еден од најзначајните производствени центри за оваа технологија во Соединетите Американски Држави.
