in

Леонардо ди Каприо го прослави 52. роденден со холивудска забава и изненадување од 50 Сент

Холивудскиот актер Леонардо ди Каприо го прослави својот 52. роденден со гламурозна прослава во Беверли Хилс, на која се собраа бројни познати лица од филмската и забавната сцена. Иако е роден на 11 ноември, големата роденденска забава била организирана во саботата, на 14 ноември, во приватна резиденција во Лос Анџелес.

Според американските медиуми, меѓу гостите биле неговите долгогодишни пријатели и колеги Тоби Мегвајер, Џона Хил и Ал Пачино, а на настанот пристигнале и Џеф Безос со сопругата Лорен Санчез, Орландо Блум, Адриен Броди, Едвард Нортон и Кејси Афлек.

На забавата биле забележани и манекенката Кара Делевињ, актерката Елизабет Бенкс, раперката Ајс Спајс, како и уште неколку познати имиња од светот на забавата.

Едно од најголемите изненадувања на вечерта било појавувањето на 50 Сент, кој настапил специјално за присутните. Внимание привлекол и Тоби Мегвајер, кој дошол со роденденска торта.

Медиумите пренесоа и дека пристигнала група од девет млади жени со бел минибус, што дополнително ја разбудило љубопитноста на јавноста. Меѓу нив била и Кортни Борнер, позната по учеството во реалити-шоуто „Love Island USA“.

На прославата била и девојката на Ди Каприо, италијанската манекенка Виторија Черети, со која тој е во врска од 2023 година.

Роденденската забава на холивудската ѕвезда брзо стана една од најкоментираните теми во светските медиуми за шоу-бизнис, а фотографиите од пристигнувањето на гостите дополнително го засилија интересот на јавноста.

What do you think?

Leave a Reply

Your email address will not be published. Required fields are marked *

Козјак на пакување шведски шампон: македонско езеро на производ во Шведска

Научниците велат: редовната попладневна дремка може да го забави стареењето