Британецот Ијан Клифорд привлече внимание поради правниот спор што го иницираше против својата поранешна фирма. Тој сметал дека е дискриминиран бидејќи неговата годишна исплата останала иста, и покрај зголемувањето на инфлацијата.
Клифорд започнал работа во технолошкиот сектор во 2001 година, но после неколку години, поради здравствени проблеми, морал да замине на боледување. Во 2013 година, бил вклучен во програма за финансиска поддршка на вработени со здравствени проблеми, која му гарантирала надоместок од 75% од неговата претходна плата, што изнесувало околу 54.028 фунти годишно.
Иако редовно примал исплати, тој не бил задоволен од тоа што сумата не се зголемувала со текот на времето. Тврдел дека поради инфлацијата, вредноста на неговиот надоместок се намалува и побарал да има право на усогласување со зголемувањата на платите.
Во 2022 година, Клифорд поднел тужба за дискриминација по основ на попреченост, но Работниот трибунал во Ридинг во 2023 година ги отфрлил неговите барања, утврдувајќи дека не основаат доволна основа за продолжување на постапката.
По оспорувањето на одлуката, Трибуналот за работни жалби во јуни 2024 година ја потврдил одлуката за отфрлање. Судската постапка покажала дека условите на програмата предвидуваат фиксна исплата, без гаранција за автоматско зголемување секоја година.
Овој случај стана интересен поради повтореното примање на значителна сума без работа, како и барањето на Клифорд за зголемување на надоместокот за да се зачува неговата куповна моќ.
