Возачите во Македонија од 15 ноември ќе бидат обврзани да ги подготват своите возила за зимските услови. Обврската за задолжителна зимска опрема ќе важи до 15 март 2027 година, а оние што не се придржуваат на прописите ќе се соочат со парична казна.
За патничките автомобили чija маса не надминува 3.500 килограми, можно е да се изберат зимски гуми на сите четири тркала со длабочина на шарите од најмалку четири милиметри. Алтернативно, возачите можат да користат летни гуми, но во таков случај задолжително е да поседуваат синџири за снег кои соодветствуваат на погонските тркала.
Автомобилите со погон на сите четири тркала мора да имаат зимски гуми со длабочина на шарите минимум шест милиметри. За оние кои користат летни гуми, исто така, е потребно да имаат соодветни синџири за снег.
Товарните возила и автобусите подлежат на посебни правила. За возила потешки од 3.500 килограми, зимската опрема подразбира зимски гуми на погонските тркала или соодветна комбинација од летни гуми и синџири за снег. За некои автобуси и товарни возила, за кои не е можно поставување синџири, се потребни зимски гуми и лопата за снег.
За непочитување на овие правила, преходната казна изнесува 45 евра или 25 негативни поени, согласно важечките прописи.
Во пресрет на зимата, возачите се советуваат да ја проверуваат состојбата на гумите и да ја обезбедат соодветната опрема. Снегот, голомразицата и влажните коловози можат да го отежнат возењето, па затоа е важно да бидат подготвени за безбедно учество во сообраќајот.
