Еден од истакнатите луксузни автомобили на Mercedes-Benz доби нов живот преку интересна модификација која комбинира класичен дизајн со современа технологија.
Американска работилница ја искористила каросеријата од Mercedes 600 од 1971 година, автомобил кој некогаш бил фаворит меѓу светски лидери и познати личности, и ја поставила на шасијата од скоро новиот Mercedes-AMG S63 E Performance од 2024 година.
Проектот е наречен „Final Boss“ и првпат бил претставен на SEMA Show во Лас Вегас во ноември 2022 година.
Оригиналниот Mercedes 600 со години стоел во Тексас, претходно во сопственост на локален градоначалник. И покрај сериозното оштетување на долниот дел од возилото од ‘рѓа, каросеријата била доволно зачувана за да може да се реставрира и интегрира со современиот модел.
Под класичната каросерија, автомобилот го задржал моќниот погон од S63 AMG, со твин-турбо V8 мотор и хибриден систем, производејќи неверојатни 1.000 коњски сили.
Не е променет само моторот; автомобилот има модерна внатрешност, воздушна суспензија и седишта со масажа, додека надворешноста останува верна на класичниот изглед на Mercedes 600.
Деталите се обработуваат со посебно внимание; изработката на уникатните предни светла траела шест месеци, а решетката е изработена со 3D печатење за да вклучи елементи од старите и новите модели.
Резултатот е автомобил што нуди изглед на легендарниот модел од седумдесетите, но под каросеријата се кријат современи технологии и перформанси на Mercedes-AMG.
Цената на овој уникатен автомобил наводно достигнала неверојатни 4,5 милиони долари.
