Трагично заврши медениот месец на британски брачен пар, кои загинаа во хеликоптерска несреќа на грчкиот остров Сифнос. Несреќата се случила во понеделникот вечер, само неколку минути пред леталото да слета.
Во несреќата животот го загубија 31-годишниот Александер Кроми и 30-годишната Мари Еберт, кои потекнуваат од Лондон. Заедно со нив загина и 53-годишниот грчки пилот Ѓоргос Раикос, кој се опишува како искусен професионалец.
Приватниот хеликоптер се сруши во близина на селото Ексамбела, во областа Толос, додека се подготвуваше за слетување околу 18:15 часот. Пред падот, сведоци тврдат дека чуле необичен звук од моторот, па истражителите испитуваат можност за механички проблем.
По несреќата, на местото веднаш пристигнаа пожарникари и медицински екипи, а дополнителна помош беше испратена од соседниот остров Сирос. За жал, спасувачите само можеле да потврдат дека сите тројца патници загинале.
Грчките служби за воздухопловна безбедност започнаа истрага за утврдување на причините за несреќата, вклучувајќи анализа на летачките податоци, временските услови и техничката состојба на хеликоптерот.
Компаниите во кои работеа младенците изразија шок и сочувство до нивните семејства, а Британското Министерство за надворешни работи најави дека ќе им пружи поддршка на семејствата на жртвите во контакт со грчките власти.
