Во Британскиот музеј во Лондон, посетителите добија нова забрана – фотографирањето на Бајеовата таписерија одблизу сега не е дозволено.
Оваа одлука беше донесена поради големиот интерес за изложбата, што создаде значителни гужви околу ова значајно средновековно дело. Многу од посетителите застануваа подолго време за да направат фотографии, што го успоруваше движењето на другите.
Таписеријата, долга околу 70 метри, е поставена така што посетителите можат да поминуваат покрај неа во ограничен временски период. Поради големиот број на луѓе, музејот сака да избегне застои и да овозможи што повеќе луѓе да ја видат целата изложба.
Сепак, забраната не е комплетна. Фотографирањето е дозволено од горниот дел на просторот, од каде што делото може да се фотографира од поголема дистанца.
Бајеовата таписерија е едно од најпознатите средновековни уметнички дела и ги прикажува сцените поврзани со норманското освојување на Англија во 1066 година, вклучувајќи ја и Битката кај Хејстингс.
Оној што сака да ја види таписеријата во Британскиот музеј ќе има можност до 11 јули 2027 година, додека музејот во Баје е затворен поради реконструкција.
