КАНАДСКИ НАУЧНИЦИ ОТКРИЈА: Пиењето вино е исто толку корисно како и вежбањето

Ако се каете дека сте испиле уште неколку чаши вино немојте, бидејќи научниците од Универзитетот во Алберта во Канада откриле дека една чаша црвено вино има ист ефект врз здравјето како и еден час поминат во теретана.

Истражувањата потврдија дека ресвератролот кој се наоѓа во црвеното вино има слични ефекти како вежбањето кога станува збор за ефектите по здравјето. Ресвератролот ја подобрува физичката издржливост, има корисен ефект врз силата на срцето и мускулите.

Ресвератролот е растителна состојка со антиоксидантно дејство, а најважни извори на храна се црвеното вино, грозјето, одредени бобинки и кикиритките. Важно е да се нагласи дека ресвератролот е главно концентриран во кожата и семките на грозјето и бобинките.

Ресвератролот може да помогне во намалување на нивото на крвниот притисок. Ресвератролот има позитивен ефект врз липидниот профил. Како моќен антиоксиданс и антиинфламаторна состојка, ресвератролот покажува ветувачки резултати во заштитата на мозочните клетки од оштетување.

Студиите на животни покажуваат дека ресвератролот помогнал да се развие подобра чувствителност на инсулин и да се бори со придружните компликации на дијабетесот. Така, во иднина, луѓето со дијабетес би можеле да имаат корист од земање ресвератрол. Се покажа дека ресвератролот може да ја намали болката во зглобовите, поради што е ефикасен и за спречување на оштетување на ‘рскавицата.