Лазаров упати апел за помош на Зоки Фаци: Да му помогнеме да ја победи болеста!

Македонскиот јутјубер Стефан Лазаров на својот Фејсбук профил објави апел за помош на својот пријател Зоран Василевски попознат како Зоки Фаци.

Како што вели, изминативе неколку месеци беа навистина тешки за Зоки, но секако и за него бидејќи неговата болка ја гледа и како своја.

„Зоки има 25cm тумор кој мора да се отстрани доколку сака да преживее. Веќе неколку месеци операцијата се одлага, а единствен начин да се оствари побрзо е тоа да биде во приватна болница во која трошоците се огромни. Зоки не сакаше да бара милост ниту некој да го жали, но лично не можам да седам со скрстени раце и да го гледам пријателот како умира. Затоа мои добри луѓе , ве замолувам да се соединиме и да му помогнеме на човекот кој долго ве смее , да ја победи оваа битка и од понеделник да го пратиме на операција. На сликата имате сметка за донации, а потребни се околу 15000 евра. Доколку има потреба до среда ќе отвориме и броеви. Фала ви однапред на сите, Господ да ве чува“, напиша Лазаров.