Американската технолошка корпорација Мајкрософт денеска објави дека во следните две години ќе инвестира 33,7 милијарди шведски круни или околу 2,95 милијарди евра во развојот на вештачката интелигенција (АИ) и облак инфраструктурата.
Претседателот на Мајкрософт, Бред Смит изјави дека компанијата ќе користи моќни чипови од Nvidia и AMD во шведските центри за податоци, додека делумно ќе се потпира на сопствените чипови, пренесува Reuters.
Мајкрософт планира да обучи 250.000 граѓани на Шведска за употреба на вештачка интелигенција во училиштата, универзитетите и другите институции од јавниот сектор во следните три години, рече Смит.
Американската компанија инвестираше во своите центри за податоци во Велика Британија во ноември 2023 година, а во февруари инвестираше и во Германија и Шпанија.
Зголемената популарност на генеративната вештачка интелигенција ја поттикна побарувачката за услуги за компјутерски облак, при што фирмите како што се Мајкрософт и подружницата на Амазон AWS инвестираа милијарди евра во изградба и проширување на своите центри за податоци во Европа.
GIPHY App Key not set. Please check settings