Ова ќе израдува многу фанови: Кејт Мидлтон го потврди она што долго време се шпекулира

Кејт Мидлтон ќе присуствува на финалето на Вимблдон, каде што ќе му го врачи трофејот на победникот.

Принцезата од Велс Кејт Мидлтон ќе присуствува на финалето на Вимблдон во недела.

Од Кенсингтонската палата потврдија и дека Кејт ќе му го врачи трофејот на победникот на турнирот Новак Ѓоковиќ или Карлос Алкатраз. Финалето е закажано за 15 часот.

Веќе извесно време се шпекулираше дали Кејт ќе се појави на овогодинешниот Вимблдон, кој не го пропушти пред дијагнозата на ракот, а беше објавено и дека војвотката од Глостер, Брижит, трофејот наместо неа ќе му го врачи на победникот.

Кејт веќе неколку години им дели трофеи на победниците на Вимблдон како покровител на Ол Ингланд клубот, улога која ја наследи од покојната кралица Елизабета Втора.

Ова го вклучува нејзиното присуство на натпревари за подигање на профилот на турнирот секоја година. Тука е и добротворниот аспект на улогата, поддржан од Фондацијата Вимблдон, која бара од неа да посетува локални иницијативи и спортски програми, како и да се ангажира со младите луѓе.

Да потсетиме, на 15 јуни Кејт Мидлтон се појави во јавноста за прв пат по пет месеци. Потоа присуствуваше на настанот „Trooping The Color“. Последен пат пред тоа беше видена околу Божиќ, а потоа на почетокот на годината направи операција на стомакот, а потоа во март откри дека боледува од рак, пишува ShowBuzz.