Студија: На луѓето им треба повеќе сон во зима

Новото истражување сугерира дека иако луѓето не хибернираат како некои животни, им треба повеќе сон во постудените месеци од годината.

Анализата на луѓе кои биле подложени на студии за спиење покажала дека луѓето спијат 30 минути подолго во фазата REM (брзо движење на очите) во зима и можеби ќе треба да ги приспособат своите навики на сезоната, пишува Гардијан.

Во студијата, тим од научници подложи 292 пациенти на студии за спиење наречени полисомнографија, барајќи од нив да спијат природно во посебна лабораторија без будилници, за да можат да го следат квалитетот и видот на спиењето, како и должината.

„Општо земено, општествата треба да ги приспособат навиките за спиење, вклучително и должината и времето, на сезоната или распоредот на училиштето и работата на сезонските потреби за спиење“, се наведува во студијата, објавена во списанието Frontiers in Neuroscience.

Истражувачите велат дека ако резултатите од студијата можат да се повторат кај здрави спијачи, тоа би обезбедило доказ за потребата да се приспособат навиките за спиење на сезоната со легнување порано во потемните и постудените месеци.