Со длабока тагување, училиштето „Здравко Цветковски“ се прости од Михаел Арсовски, 18-годишен ученик, кој заедно со својот татко трагично загина во сообраќајна несреќа на патот Илинден – Миладиновци.
Од училиштето изразија своето искрено сочувство до семејството, пријателите и соучениците на Михаел. Во нивната објава се наведува: „Со жалост ја споделуваме веста за ненадејната загуба на нашиот ученик, кој беше дел од Г-4а клас. Михаел ќе остане во нашите спомени.“
Михаел бил син на 51-годишен жител на Марино, со кого загинал во несреќата, која се случила околу 2 часот по полноќ, близу полициската база Брест. Според информациите од Основното јавно обвинителство, во судирот учествувал „опел корса“ управуван од 19-годишен младиќ од Куманово и „хјундаи и30“ управуван од таткото на Михаел.
Двата загинати починеле на местото на несреќата. Тешко повредена била и 18-годишната ќерка на загинатиот возач, како и двајцата млади учесници во судирот, кои се наоѓаат во критична состојба во болница. Јавниот обвинител издал наредби за обдукција на починатите, додека се прибираат докази за расветлување на околностите на трагичниот инцидент.
