Трик за отстранување на дамка од кафе од кожен кауч

Кафето е ритуал во кој уживаат многумина, но за жал тоа е и потенцијален извор на тврдоглави дамки. Ако сакате да уживате во шолја од најпопуларниот пијалок со кофеин додека се лежете на кожен тросед, корисно е да знаете како да ги отстраните дамките од кафе.

Неколку едноставни чекори без напор ќе го одржат вашето омилено место за кафе чисто.

Земете влажна крпа и некое специјално средство за чистење. Продолжете со кожен регенератор и вашиот кауч ќе изгледа како ништо да не се случило.

Ако имате кожен мебел, најдобро е да имате при рака специјално формулирано средство за чистење – и за итни случаи и за редовно одржување.

Сепак, постојат и некои природни состојки со кои можете да го исчистите вашиот кожен тросед, пишува House Digest.

Свежа дамка
Веднаш штом ќе ја видите првата капка, земете чиста крпа од микрофибер и нежно допрете ја дамката за да го впие кафето. Не ја тријте истурената течност бидејќи така кафето уште подлабоко ќе го втурне во кожата. Ако имате производ за чистење кој е специјално направен за кожа, исчистете ја обоената површина според упатствата на производот. Користете микрофибер крпи за сите чекори на чистење.

Суво место
За исушени дамки, можете да го прескокнете чекорот на мачкање. Доколку немате специјално средство за чистење на кожата, можете да користите и благ сапун. Измешајте го со вода додека не добиете многу пена. Потоа нанесете само вода со сапуница на дамката. Обидете се да не ја навлажнувате кожата премногу, иако одредена влажност е неизбежна. Избришете ја дамката и оставете ја областа да се исуши во затворен простор, подалеку од топлина и сончева светлина.

Дури и благите сапуни ќе го отстранат маслото од кожата, а по чистењето можете да користите регенератор за да го зачувате вашиот кауч. Постојат комерцијални производи како кожни регенератори кои прекрасно го осветлуваат и навлажнуваат материјалот.

Ако го немате при рака, 50-50 мешавина од оцет и ленено масло е помошник на кожата со години. Сепак, лененото масло може да ја затемни кожата, па затоа прво пробајте ја оваа смеса на скриено место. Нанесете ја оваа смеса со крпа, оставете ја да се исуши, а потоа изматете ја да блесне.

Колку и да сте брзи откако ќе го истурите кафето, понекогаш остануваат дамки. Маслата во зрната кафе може да ги направат дамките потврдоглави. Ако дамката не е целосно исчезната по чистењето со крпа и детергент, користете пченкарен скроб. Посипете го скробот директно на дамката и оставете го да отстои најмалку еден час, но по можност преку ноќ. Наутро нежно извадете со четка со меки влакна.