Францускиот актер Арно Денис, кој се соочуваше со сериозни здравствени последици по операција на препонска кила, на 43-годишна возраст реши да премине на евтаназија во Белгија. Неговата одлука следеше по години на страдање, а адвокатот Филип Куртоа изјави дека Денис бил во состојба во која „телото повеќе не го носело“.
Евтаназијата била извршена по консултации со тројца лекари. Според Куртоа, актерот долго време се соочувал со интензивни болки и по операцията на 17 јули 2023 година неговата здравствена состојба се влошила.
Протезата од полипропилен која му била поставена за време на интервенцијата предизвикала сериозни компликации, а дури и по нејзиното отстранување во април 2024 година во Соединетите Држави, проблемите продолжиле. Денис бил принуден да ја напушти актерската кариера и да живее со тешка инвалидност.
Во својата последна порака на Фејсбук, тој ја опиша евтаназијата како крај на трогодишната болка и апелираше до јавноста да не го осудува неговиот избор. Меѓутоа, тој остро ја критикуваше здравствената система за неуспехот да му обезбеди адекватна помош.
Покрај личната борба, Денис исто така се обиде да добие правна разрешница за своите проблеми, но неговата кривична пријава за ненамерно предизвикани повреди беше одбиена. Тој основал колективот „Француски жртви на протези за кила“, кој сега продолжува со активностите и собира сведоштва од други пациенти со слични проблеми.
Случајот на Арно Денис сега добива поширока правна димензија и неговото семејство и адвокати продолжуваат да бараат истрага за околностите што довеле до неговата тешка состојба.
