Од септември оваа година во Англија стапија на сила нови упатства за образованието кое се однесува на односи, сексуално и здравствено образование, кои акцентiraju на значењето на градењето здрави и почитувачки односи меѓу деца и млади.
Учениците ќе ги учат концептите на почит, еднаквост, емпатија, лични граници и согласност, а ќе бидат обучени и како да препознаат здраво и нездраво однесување во односите. Овие упатства ќе се применуваат во сите училишта во Англија и стануваат обврзувачки од 1 септември 2026 година.
Посебен фокус е ставен на борба против мизогинијата и негативните влијанија од интернетот. Според владината стратегија, младите ќе треба да развијат позитивни ставови кон машкост и женственост, како и да сфатат какви последици носат мизогинистички содржини, особено оние што можат да ги сретнат на интернет. Целта е овие теми да бидат интегрирани во практичниот образовен процес.
Во плановите на англиската Влада е до 2029 година секое државно средно училиште да понуди програма за образование за здрави и почитувачки односи, при што училиштата сами ќе одлучуваат за начинот на спроведување на програмата.
Целта е младите од најрана возраст да стекнат важни вештини и знаења за градење здрави односи, свесност за своите и туѓите граници и способност за препознавање негативно однесување.
