Во гостиварското село Равен се случи трагичен инцидент, кога 60-годишен маж беше пронајден мртов на фудбалскиот стадион. Во негова близина беше откриена моторна пила.
Неговата сопруга пријавила во ОВР Гостивар дека мажот околу 7 часот заминал на работа, но не се вратил и не реагирал на телефонските повици. По преземените мерки, мажот беше пронајден мртов на стадионот во 00:20 часот на 22 септември.
Смртта била констатирана од лекар во Ургентниот центар, а на местото на настанот беа присутни јавен обвинител, лекар по судска медицина и полициска екипа. За време на увидот, полициски службеник паднал во необележана шахта, повредувајќи се тешко.
Засега не се познати причините и околностите под кои настанала смртта на мажот, и дополнителните информации ќе бидат утврдени со истрагата.
