Богдан Илиќ, попознат како Бака Прасе, според наводите, бил приведен денеска околу 6 часот наутро, а неговиот тим веднаш објави соопштение на официјалниот Инстаграм-профил.
Објавата предизвика големо внимание во јавноста, бидејќи од тимот наведуваат дека во моментов не знаат каде се наоѓа популарниот јутјубер, ниту во каква состојба е. Тие тврдат и дека поседуваат снимка од безбедносна камера на која се гледаат маскирани лица што, како што велат, упаднале во станот и го одвеле Богдан.
Сепак, засега одлучиле да не ја објават снимката, додека чекаат дополнителни информации за целиот случај. Тимот исто така соопшти дека преку адвокат се обидел да добие одговор, но до овој момент не добил никаква информација.
Во пораката што е објавена на профилот стои дека Бака Прасе бил приведен денеска околу 6 часот, дека не е познато каде се наоѓа и каква е неговата состојба, и дека снимката од камерите засега нема да биде јавно објавена.
Надлежните органи сè уште не дале официјална потврда за наводното приведување, а не се познати ниту околностите под кои се случил настанот. Останува да се види дали во текот на денот ќе има нови информации и дали Бака Прасе или неговиот тим повторно ќе се обратат до јавноста.
