Германската автомобилска компанија БМВ повлече 1,36 милиони автомобили во Кина поради потенцијално неисправни воздушни перничиња од јапонската компанија Таката, соопшти денеска кинескиот пазарен регулатор.
Повлекувањето, кое стапува на сила веднаш, влијае на моделите произведени помеѓу 2003 и 2017 година – и во Кина и надвор од земјата.
Компанијата „BMW Brilliance Automotive“ ќе повлече 598.496 автомобили произведени во Кина, а „BMW China Automobile Trading“ 759.448 увезени автомобили, додаде кинескиот регулатор.
Ако проверката открие проблем, BMW бесплатно ќе го замени воздушното перниче на возачот за да ги елиминира безбедносните ризици, пренесува Reuters.
Повлекувањето се однесува на автомобилите БМВ чии управувачи се модифицирани од сопственици на автомобили и на кои можеби има инсталирано неисправни воздушни перничиња Takata.
GIPHY App Key not set. Please check settings