Во регионот на Барселона, силните дождови и поројните поплави предизвикаа трагедија, при што едно лице го загуби животот. Најтешаката ситуација се случила во Оливеља, во областа Гараф, каде вода однела автомобил со маж. Неговото тело било пронајдено на околу 500 метри од возилото, а полицијата потврдила дека станува збор за возачот.
Времето во Барселона и Валенсија донесе интензивни врнежи, кои достигнаа 80-100 мм за помалку од два часа, предизвикувајќи поплави на улици и патишта. Поради овие услови, се воведоа итни предупредувања, а одредени патишта и делови од јавниот превоз, вклучувајќи метро и железница, беа привремено затворени.
Шпанската метеоролошка служба издаде црвено предупредување за крајбрежниот дел на Барселона, предупредувајќи за можен дожд од над 90 литри по квадратен метар за краток временски период. Властите исто така укажаа на ризик од нови поројни поплави, град и силни ветрови. Според податоците, во Каталонија имало повеќе од 1.000 инциденти поврзани со невремето, при што најмногу беа регистрирани во северниот дел на Барселона. Граѓаните се повикуваат на претпазливост и да ги следат официјалните предупредувања.
