Форд повлекува 382.000 возила

Американскиот производител на автомобили „Форд“ објави дека повлекува 382.000 возила во САД поради грешка на дисплејот на задната камера.

„Форд“ наведе дека повлекувањето опфаќа одредени модели на автомобили произведени во периодот од 2020 до оваа година, како што се „Експлорер“, „Линколн Авијатор“, како и „Линколн корсаир“ од 2020 до 2022 година опремен со камери од 360 степени.

Американскиот производител на автомобили соопшти дека има извештаи за 17 помали несреќи поврзани со грешки на екранот на задната камера на возилото, пренесува Ројтерс.

Се вели дека продавачите го ажурираат софтверот на модулот за сликање.