Модната инфлуенсерка и дизајнерка Маја Кикириткова сподели дел од своите авантури од летувањето, откривајќи какви предизвици ѝ претходеле на патувањето.
На својот Инстаграм профил, Кикириткова раскажа дека зад заминувањето стоел исклучително напорен период, особено бидејќи е мајка на две деца.
„Ова ми беше и повеќе од потребно, но за малку ќе не пропуштеа“, напиша таа, објаснувајќи дека се соочиле со бројни непредвидливи ситуации во последен момент.
Според нејзините зборови, имале многу перипетии, а дополнителен предизвик било што немале на кого да ги остават децата. Маја призна дека периодот бил исцрпувачки, но на крајот успеале да заминат на одмор.
Она што следеше беше уште повеќе ненадејно. Таа откри дека за само една минута ќе го пропуштеле авионот за Ибица, а од брзањето заборавиле и куферот во авионот.
„Таква ми е кармата. Но, на крајот, она што силно го посакуваш, секогаш е тука со тебе!“, истакна Кикириткова, испраќајќи порака дека вреди да се ужива во долгочеканите моменти, дури и ако на крајот се остваруваат со потешкотии.
