На Депардје ќе му се суди за силување на актерка?

Од париското Обвинителство е испратено барање да му се суди на актерот Жерар Депардје за силување и сексуален напад на актерката Шарлот Арно, пишува денеска париски „Фигаро“, повикувајќи се на извор близок до обвинителството.

Според весникот, барањето за судење на Депардје во Окружниот кривичен суд било поднесено на 14 август оваа година.

Обвинението против 75-годишниот актер беше поднесено на 16 декември 2020 година, по тужба поднесена од актерка која го обвини дека двапати ја силувал во неговиот дом во Париз во текот на август 2018 година.