Македонско семејство има причина за гордост. На само 12 години, Македон беше примен во престижната Програма за талентирани млади на Универзитетот “Џонс Хопкинс” во САД, специјално создадена за ученици со исклучителни академски способности од цел свет.
Неговиот татко, Владимир Димитровски, сподели значајни моменти и успехот на својот син на социјалните мрежи.
По успешното тестирање, Македон доби и престижното признание „Grand Honors / SET“, заради одличните резултати во математиката и вербалните способности.
„Grand Honors“ е највисокото признание за вредни резултати во CTY тестирањето, додека SET, што значи „Study of Exceptional Talent“, е програма на „Johns Hopkins“ за ученици кои постигнуваат значителни резултати над очекувањата за нивната возраст.
Уште на 11 години, Македон оствари 1440 поени на SAT тестот – 740 поени во математиката и 700 во читањето и пишувањето.
Зад овие импресивни достигнувања стои долгогодишна посветеност. Македон досега има освоено над 20 златни медали на меѓународни математички натпревари.
„Зад сите овие бројки и признанија стои огромна љубов кон знаењето“, напиша неговиот татко, изразувајќи гордост за успехот на својот син.
Со оваа досегашна успешност, Македон докажува дека возраста не е препрека за значајни успеси, а неговото патување, како што напоменија неговите родители, дури сега започнува.
