Сокот од нане е здрав и освежителен, а лесно се прави.
Природниот сок од нане е идеално освежување за време на топлите денови. За овој здрав и вкусен напиток потребно е да земете свежо нане и внимателно да го измиете.
Состојки:
300 грама свежо нане
3 кесички сок од лимон
3 литри вода
2 килограми шеќер
Подготовка:
Свежото нане измијте го со ладна вода, а потоа ситно исечкајте го.
Потоа измешајте со пет лажици шеќер и сок од лимон и убаво изматете со раце.
Прелијте со три литри вода и оставете да отстои 24 часа.
После тоа, процедете го сокот преку газа и додадете шеќер.
Оставете го да отстои 24 часа за да се раствори шеќерот.
Мешајте повремено.
Истурете го во стаклени шишиња. Пред сервирање, разредете го сокот со вода.
