Ова е последниот модел со W12 мотор

Со ОВОЈ исклучително престижен модел, Bentley ќе повлече уште еден скапоцен камен од машинството.

За разлика од никогаш незажалениот 6,75 V8 мотор, кој беше повлечен во 2020 година , овој мотор беше значително пократок на сцената. Оригинално производ на Фолксваген, 6.0 W12 twinturbo беше лансиран меѓу врвните автомобили во 2003 година, а до денешен ден се одржа само во Бентли. 

Сега дознаваме дека дури и аристократите на островот се откажуваат од него, во корист на струјата. Последниот W12 ќе се вградува во моделот Batur, ексклузивно купе со најавена серија од само 18 примероци. Секој ќе чини најмалку два милиони евра, а во него W12 ќе развива 750 КС и 1000 Nm.

Ова ќе ја заврши еволуцијата на моторот, кој во изминатите две децении ја зголеми максималната моќност за 37 проценти, вртежниот момент за 54 проценти, а истовремено ја намали емисијата на штетни гасови за 25 проценти. Последната генерација на моторот беше премиерно претставена во 2015 година на Bentayga. Вкупно, до денес се произведени околу 105.000 единици. 

„Кога првпат го лансиравме W12 во 2003 година, знаевме дека имаме моќен мотор што ќе ги придвижи и нашите автомобили и марката напред. 20 години и повеќе од 100.000 W12s подоцна, дојде време да се повлече овој сега легендарен погонски систем додека се движиме кон електрификација – но не без да му го дадеме најдоброто можно испраќање, со најмоќната верзија на моторот некогаш создадена“, рече извршниот директор на компанијата, Адријан Халмарк.

30 вработени кои работеа на рачно склопување на мотори ќе поминат на преквалификација и обука за други работни места.