Пронајден најстариот фосил на оса во светот

Најстариот фосил на оса во светот е откриен во швајцарскиот кантон Тичино, кој датира од пред 239 милиони години, пренесува РТС.

Остатоците од оса која живеела пред повеќе од двесте милиони години биле пронајдени при ископувањата, кога биле откриени 248 фосили од инсекти, пренесува швајцарски swissinfo.ch, пренесува РТС.

Excavations in Ticino have uncovered 248 fossilised insects dating back 239 million years. Among the finds is the oldest wasp found to date. https://t.co/aUDEoXeT0y

— swissinfo.ch (@swissinfo_en) August 29, 2024

Фосилот на оса бил откриен за време на палеонтолошките ископувања од страна на тим од Кантоналниот природонаучен музеј Тичино во градот Лугано, објавија локалните власти.

Пронајдените фосили датираат од времето пред диносаурусите, а ова откритие дава увид во еволуцијата на одредени групи инсекти по масовното истребување на крајот на Перм – пред 251 милион години.

И покрај малите димензии од само два милиметри до 2,5 сантиметри, фосилите се исклучително добро сочувани.

Благодарение на ова, истражувачите можат подетално да ги проучуваат морфолошките детали, што дава важни информации за еволуцијата на инсектите.